بلح الشام محشو كريم شانتيه

بلح الشام

المقادير:

كوب ونصف دقيق
كوب ميه
1/ 4 كوب زيت
3 بيضات
ذرة ملح
فانيليا
زيت للقلي

لتحضير الشربات:

اغلي كوب سكر في كوب مية، وبعد كده ضيفي عليه عصير نصف ليمونة وفانيليا،
وسيبيه يغلي على النار لغاية ما يبقى قوامه تقيل شوية، وبعد كده اطفي عليه
وسيبيه يبرد.

الطريقة:
1- اخلطي المية مع الزيت في حلة، وحطّيهم على النار، وسيبيهم لغاية ما يغلوّا.

2- اخلطي الدقيق مع الملح والفانيليا، وبعد كده ضيفيه على خليط الميه
والزيت، مرة واحدة، مع التقليب السريع، علشان الخليط مايكلكعش منك، وبعد
كده اطفى النار عليه وسيبيه يبرد خالص .

3- ضيفي البيض واحدة واحدة، وماتضيفيش البيضة التانية إلا لما تتأكدي إن البيضة الأولى امتزجت تماماً مع الخليط.

4- حطّي العجينة في القُمع، وقصّيه من تحت، وابدئي قطّعي العجينة بطول
الإصبع، وحمّريها في الزيت، ولما لونها يبقى دهبي، ارفعيها من الزيت
وصفّيها كويس، وبعد كده حطّيها في الشربات، وبعد كده صفّيها وقدّميها.

( ممكن يحشي كريم شانتيه أو كاسترد )

وبالهناء والشفاء

ياسمين

» أنشودة رمضان كريم على الناس